|
ASSESSURI
COMU FUNGI!
‘Ncè nu paisi, a menzu di
la Chiana,
aundi st'annu si fannu
l'elizzioni.
E propiu dà succedìu ‘na
cosa strana
‘ntra “Forza Cumpagni”, la
gran coalizioni.
Però n’arridìti, vi pregu
cumpari,
faciti li serii e no’ li
sputtìti
ca, poveri cristi, su
cavuli amari
li cosi curiusi chi ora
sentiti.
Partìru mu fannu nu’
sindacu novu
e si ‘ngadizzaru ‘ntra ‘nu
gran casinu
cercandu
‘mu trovanu ‘u pilu ‘ntra l’ovu
‘mbiscandu cafè e òrgiu,
ògghju e vinu.
Partìru ‘i nu’ sindacu, e
cca' su' già duluri,
‘i nu’ vicisindacu a
quattru arrivàru,
e poi no’ parlamu d’ 'i
setti assessuri
c'ajeri arrivàru già a nu’
centinaru!
Davanti si fannu sorrisi ed
inchini,
poi giranu ‘a curva e si
fannu vrazzati
facendu già ‘a parti d’ì
mali vicini
perdìmmu già ‘u cuntu d’i
jestimi mandati.
Pensati chi focu - a ‘llocu
di’ cani! -
se chisti avarrìanu mu 'nchiananu
a' ‘o Cumuni,
Ca no’ abbastarrìanu nò
ligna e nò mani
pemmu li spàrtinu 'ntra
pugna e gadùni!
Su’ già tutti sindaci, su’
tutti assessuri…
Pierinu chi 'ncugna, Giginu
chi pungi,
e Peppi… e Oraziedu… e lu’
Professùri…
‘sti centu assessuri su’
comu li fungi!
Sarà allora assessuri don
Piritu ‘i Lupu,
chi faci tant’aria ma d'intra
è vacanti;
e n’atru assessuri è don
Mazza ‘i Tamburru,
chi faci cchjù scrusciu d‘i
nostri gighanti.
E ancora è assessuri Pepé
'u Coddararu,
chi pari arca 'i scienzi,
ma è calamaru;
assessuri ovviamenti sarà
‘u Cucudìtu,
ma no’ Vicenzedu, ca idu è
pulìtu.
(E carchi assessuri puru p'a
Famigghjola,
ma chisti ‘i sapimu, ccà è
bbecchia la scola...).
Paisani carissimi, votàmu
c’a testa!
‘ntra ‘sta cumpusiòni no’
‘ncè tanta scerta,
e quando votàmu facìmu ‘na
festa
a Polistena nostra, a
Polistena aperta. |
