|
ASSOCIAZIUNI
Finarmenti!
Finarmenti!
Tutti vonnu
d’armeggiari
U paisi si
svegliau
Tutti
cercanu i cumpari
Eni ghiotta
l’occasioni
Eni assenti
lu “mafruni”
Chista eni a
vota bona
Si! Facimu
associaziuni
Stu penzeru
in veritati
Fu sfioratu
i cchjù e di tanti
E di gruppu
non c’è unu
Ma si
cuntanu abbondanti
Giovanili,
ripescati, riciclati
‘ndavi
d’ogni sorta
ma lu jocu
cchjù studiatu
e cù pigghja
cchjù di torta
tutti vonnu
a stessa cosa
si, lu beni
du paisi
e v’abbussanu
a la porta
appilati di
promisi
Cambia
pagina, sta vota
Ndi
stancammo di l’abusi
Ma lu libru
è sempi u stessu
Su promessi
miraculusi
Non sapimu
s’eni veru
Ca l’uscenti
non c’è cchjuni
Pe mia è
sulu na favuleda
Chi nci
cridinu i minchiuni
‘ndavi deci
associazioni
e simu novi
‘ntra u paisi
ma ‘somma
qual è u scopu
pecchì su
tutti divisi?
Li programmi
sugnu vari
I Cavalieri
puru:
a Polistina
portamu u mari.
Non toccati
chidu muru.
Non ‘nci
sugnu cchjù i partiti
Non ci cridi
cchjù nessunu
Ma su tutti
convertiti
‘ntra sti
novi associazioni
Furu amici e
mo nemici
Non si
parlanu n’tra chiazza
Si
tradiscinu l’artefìci
Prima s’abbasavanu
e stringivanu i vrazza
Delegaru a
li murali
Li
sputtanamenti vari
Manifesti
assai ‘mpipati
Fici,
facisti, aju fari.
‘nci su
chidi di riturnu
chi già
canuscimu tutti
eni bona st’occasioni
pe i cazzi
soi e a tia u ti futti
per fortuna
certamente
‘ndavi puru
boni ‘ngaggi
nd’assudijamu
i cchjù affidanti
dopu
approfonditi raggi
nui guardamu
a soi famigghja
per
rettitudini e morali
e se sugnu
disponibili
li potimu
puru votari
chi facimu?
Jamu a nasu…
àrru damu a
u programma sulu
se ‘ndi
futtinu pe’ casu
a li
prossimi a fannu …
Paperino
|
